Candidate sum hman endik

Mizoram Lok Sabha Inthlanpui neih tur atan Candidate te sum hman dan enfiahna hmasa ber, 1st Inspection of Registers chu nimin khan Aizawl DC Conference Hall-ah Expenditure Observer Arvind Sharma leh Anita Rinesh-i te hovin neih a ni a, he hunah hian Candidate ten an aiawh a sum vawngtu tura an ruat Expenditure Agent te chu an sum hmanna register hrang hrang - Day to Day Accounts, Cash Register, Bank Register leh Bank Statement bakah Voucher zawng zawng te enfiah a ni a. Assistant Expenditure Observer leh Accounting Team ten an lo enfiahna atana candidate te sum sen an lo chhinchhiahna Shadow Observation Registers leh Folder of Evidence te keng bawkin sum sen leh chhinchhiah dan enfiah a ni. Tun inthlanpui atan hian Mizoram-a Candidate te chuan Campaign nan cheng nuai 95 thleng an hmang thei a ni.