Observer in Champhai a tlawh

Election Commission of India in Mizoram Lok Sabha Inthlanpui neih tura General Observer tura a ruat Dr. Nipun Vinayak IAS chuan nimin khan Champhai tlawhin Nodal Officer-te thutkhawm a neihpui a. Lok Sabha inthlanpui atana Champhai District inpuahchahna tha a tih thu sawiin, thawhhona tha tak an nei chu fakawm a tih thu a sawi a. An thlen chinah duh tawk mai lova theihtawp chhuah chhunzawm zel turin Nodal Officer-te a fuih a, thawhpuite nen lungrual taka thawk tur leh awmhmun-a awm mai lova, inthlan boruak thlithlaia pawnlam dinhmunte pawh ngaihven fo turin a chah nghal bawk.