Zu kaihhnawih a thi chhinchhiah 438 awm tawh

Health Minister Lalrinpuii’n Zu Khapna dan hman hnuah nikum April thla atanga kumin January inkara zu kaihhnawih natna avanga thi chhinchhiah zat chu mi 438 an ni tih a sawi.

He thu hi Assembly-a ziaka zawhna a chhanna ah sawiin Health Minister chuan ‘The Mizoram Liquor (Prohibition) Act, 2019’ hman anih hnuah zu kaihhnawih natna avanga thi te mumal taka chhinchhiah chu kum 2023 April thla atanga chauh a nih thu a sawi a, hemi atanga chhinchhiahah kumin January thleng khan Zu kaihhnawih natna avanga thi mi 438 an awm a, an zinga 77 chu hmeichhia niin mipa 361 an awm bawk a ni.

Health Minister chuan National AIDS Control Organisation (NACO) in a tihchhuah HIV Estimation 2023 report tarlan danin Mizoram-ah mi 1000 zela HIV Positive 0.23 awm anga chhut anih thu a sawi bawk a, puitling kum 15 atanga kum 49 inkar te zingah za zela 2.32 kai ang an ni tih sawiin, India ramah Mizoram chu a sang ber a ni tih a sawi a. Kum 2022 atanga 2023 inkarah Cancer vangin mi 374 an thi tih pawh sawiin, kum 2023 atanga 2024 inkarah TB vei hmuhchuah 2272 a awm thu leh TB vanga thi mi 108 an awm thu a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar