Thalaite training nan vbc. 31 chuang sanction

Nimin Assembly Session-ah Labour, Employment, Skill Development and Entrepreneurship (LESDE) Minister Lalnghinglova Hmar chuan sawrkar laipuiin Mizo thalaite training na atan cheng vbc. 31 chuang central-in an sanction thu a sawi.

Nimin-a Assembly Inkhawm ah LESDE Minister chuan Skills Ministry-ah Special Package an dil thu sawiin, “Ministry lamin Skill Development-ah hmuh tur in vang, kan sawiho dawn nia,” tiin a hnuah an kal lehah Mizoram State Special Project an thehlut atangin thalai 10,220 training theihna tur sum cheng vbc. 31 chu an an sanction sak tawh tih a sawi a ni.

Mizoram atanga ram pawna hnathawka chhuak an tam chu a lawmawm tih LESDE Minister chuan sawiin, “Chhungkaw tam tak eizawnna a ni a, sum thahnem tak an lalut. Pawimawh ta chu a tirchhuaktu te an ni a, engtin nge an tirh chhuah tihte zirchian a ngai,” a ti a. Mi tam takin harsatna an tawh tihreh theih a that thu sawiin, “Home Department-ah kan kutken mai dawn em ni tiin lehkha kan ziak tawh. Kan phut chu dan ang thlapin, hnathawktute an him tur a ni. Thalaite kan tirhin, sawrkar emaw, a hnuaia mite hriatpuina a nih loh chuan thil fel lo a awmin a buai dan kan hre tawh. Dan anga kalpui kan duh hle. MYC pawhin hma an la zel,” a ti bawk.