Swadesh Darshan 2.0 Scheme kalpui dan tur sawiho

Sawrkar laipui Ministry of Tourism hnuaia Swadesh Darshan 2.0 Scheme kaltlanga Champhai District-a Tourism chawilar dan tur chungchanga pawimawhte chu nimin khan District Bawrhsap James Lalrinchhana kaihhruaiin sawiho a ni a. Mizoram-a Swadesh Darshan 2.0 kalpui nana District pahnih thlanchhuah zinga Champhai District a tel chu lawmawm a tih thu Bawrhsap chuan sawiin, Champhai District chu sik leh sa nuam, hmunhma mawi tak tak leh pipu sulhnu tam zawk awmna a nih avangin khualzin tam zawk hip tura tulte tihchangtlun a pawimawh thu a sawi a. Khuarel mawina tichhe lo zawng leh nakin zel atana nghawng tha lo thlen lo tur leh mawhphurhna hlenchhuak zawnga tourism kalpui a tul thu a sawi bawk.