MNF National Executive Meeting neih a ni

Mizo National Front (MNF) National Executive Meeting chu nimin khan an Aizawl Vanapa Hall-ah an President Zoramthanga kaihhruaiin neih a ni a, MNF term hluia Executive Member-te term chu June ni 1, 2024 thleng pawhsei nise an tih bakah Mizoram Politics in lumlet dan hrang hrang te thlirin Lok Sabha inthlanpui neih tur pawh boruak thlirho a ni bawk. Nimin-a MNF National Executive Meeting hian MNF President Zoramthanga kaihhruaina chu an ringtawk tih Resolution siamin an pass a, “A thawhpui Office Bearer thlan tharte nen lungrual taka min kaihhruaina hnuaiah chak takin kan kal zel dawn a, Kan ram, kan Hnam leh Sakhua a him zel theihna turin Pathian leh kan Ram tan ti chung zelin huaisen takin kan kal zel dawn a ni,” an ti a. “Central Sawrkar in Myanmar nena kan inrina a zalen taka kan inkalpawh theihna hmun phalchin a neih thin Free Movement Regime a rawn titawp hi a pawi kan tiin, kan dodal tlat a. A thutlukna hi sut leh thuai turin kan phut tlat a ni,” an ti bawk.

Comments

Popular News (Last 30 Days)

LPG man bithliah thar