Social Media-a Dan bawhchhiatna a pung chho zel

Mizoram-ah Social Media hmanga dan bawhchhiatna thubuai ziahluh tur a kum telin a pung zel a, tunhnai kum li (4) chhungin thubuai 267 ziahluh a ni a, sum lam kaihhnawih (financial crime) thubuai a tam ber.

Cyber Crime Police Station hotuten an sawi danin kum 2020-2023, kum li chhung khan thubuai chi hrang hrang 267 an ziaklut a, chung zingah chuan sum lam kaih-hnawih (financial crime) thubuai tam berin 160 ziahluh a ni a, thubuai an ziahluh zawng zawng atangin za zela 59.92 a tling a ni. A dawt-ah mipat hmeichhiatna lam kaihhnawih thubuai ziahluh chu tam lehin, thubuai ziahluh tam lama pathumna chu nihna inruksak (indentity theft) a ni a. Kum li chhungin Social Media hmanga dan bawh-chhiatna ah mi 81 manin, pawisa-a inbumna thubuai an buaipuia sum an hmuhlet chu Rs. 66,57,244 a tling a ni.

Kum kalta bik, kum 2023 chhung kha thubuai 72 ziahluhah mi 28 an man a, thubuai zinga tam ber chu sum lam kaihhnawih tho niin thubuai 38 ziahluh a ni a. A dawtah mipat hmeichhiatna lam kaihhnawih (sexual harrasment) niin thubuai 19 ziahluh a ni a, a dangte chu mipat hmei-chhiatna thila naupang kaihhnawih (Child Pornography) thubuai panga, nihna inruksak (indentity theft) thubuai pasarih, hacking thubuai pakhat leh thubuai dang pahnih te a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar