Rajya Sabha MP in KMMTTP kawng a tlawh

Mizoram chhim tawp leh Bay of Bengal inkalpawhna tur kawngpui sial mek, KMMTTP Road chu Mizoram Rajya Sabha MP K. Vanlalvena chuan niminpiah khan a tlawh.

Rajya Sabha MP hi Zorinpui Assam Rifles Camp-ah lut hmasa in Myanmar ramchhunga Arakan Army Camp a tlawh leh a, hemi hnu hian KMTTP kawngpui chu Contractor te nen an en ho leh a. Zorinpui atanga Paletwa inkar kawngpui sial mek chu ramri atanga Myanmar ramchhung KM 8-a thui a tlawh bawk a ni. He kawng laih mek hna thawktu IRCON Company Deputy Manager leh an hnuaia Myanmar Sub-Contractor te nen inkawmin kawng laih hna hi beisei aia a muan thu leh chak thei ang bera thawh a tul thu MP hian a sawi bakah Arakan Army hotute hnenah pawh he kawng laih mek hi zawh a nih hunah chuan kan zavaia chhawr tangkai tur a nih avangin hnathawktute lo tawiawm turin a ngen a. Contractor te pawhin tun atang chuan chak taka hna thawh a nih tawh tur thu lo hrilhin, Arakan Army hotute pawhin kawng siamtute tana harsatna an siam dawn loh bakah a tul dan a zir zelin venhimna an pek zawk tur thu Rajya Sabha MP hi an hrilh bawk a ni.

Ministry of External Affairs hnuaia thawh mek KMMTTP Road hi chi li ah then theih a ni a. Pakhatna chu Chhimtuipui luichhuah Tuifinriat kama Lawng chawlhhmun khua Sittwe Sea Port siamthat hna niin nikum May thla khan Union Minister Sarbananda Sonowal chuan a hawng tawh a. A pahnihna chu Sittwe leh Paletwa inkar Chhimtuipui lui dung KM 158 a thui Lawng zawh theih tura siam hna niin hei pawh hi thawh zawh a ni tawh a.A pathumna chu Paletwa leh Zorinpui inkar KM 106 a thui motor kawngpui laih hna niin hei hi hnathawh a muang deuh a, a palina chu Mizoram chhung Lawngtlai to Zorinpui KM 94 a thui niin hei hi thawh zawh khat a ni tawh bawk a ni.

Comments

Popular News (Last 30 Days)

LPG man bithliah thar