Serchhip District-a Society te hmalakna thlirho a ni

Serchhip District Cooperative Development Committee (DCDC) chu nimin khan Serchhip-ah an Chairman leh District Bawrhsap David Lalthantluanga hovin Serchhip DC Meeting Hall-ah an thukhawm.

Serchhip District Cooperative Development Committee (DCDC) thutkhawm ah hian DCDC Serchhip District Convener leh District Cooperative Officer (DCO) Lalzidingi chuan thutkhawm neih chhan leh Department in hma a lakna hrang hrangte a tarlang a. Tun dinhmun ah Serchhip District-a Sector hrang hrang 12 ah Cooperative Society 115 a awm a, heng te hian anmahni zawnah hmalam pan turin hma an la mek zel a ni.

He thutkhawm-ah hian Department hrang hrang atanga lokal te chu thawhho dan thiam tur leh an Department theuhah Cooperative Society te tel ve na awm a awm a nih chuan lo duhsak hram thin turin ngen an ni a. Tuna Society awmsa te hi hmasawn zawka an awm theih nan uluk taka vil zui zel nise tiin an rel a. Chutiang tur atana thawktute indaihlohna pawh phuhru tura kawng zawn tha an tih thu an sawi a ni.

Serchhip District chhunga Cooperation Department hmasawnna hrang hrangte he hunah hian ngaihthlak a nih bakah hmalak zel dan turte an sawiho a. Serchhip District chhunga Cooperative Society hrang hrang te leh a bikin PACS te hmasawnna tur thil pawimawh hrang hrangte pawh sawiho a ni bawk.