MCMC thutkhawm neih a ni

Lok Sabha Inthlanpui neih tur atana inbuat-saihna kal mekah nimin khan Serchhip-ah District Level Media Certification and Monitoring Committee (MCMC) thutkhawm neih a ni.

Serchhip DC Meeting Hall-a District Level Media Certification and Monitoring Committee (MCMC) thutkhawm hi an Chairman leh District Bawrh-sap David Lalthantluanga chuan kaihruaiin Candidate leh Political party ten Serchhip chhunga an hman tur Advertisement Rate chungchang te sawiho niin MP Election neih chhunga MCMC tih tur leh mawhphurhnate sawiho a ni a. Election Commission of India (ECI) inkaihhruaina angin Social Media, Electronic Media leh Print Media-a inthlan kaihhnawih Advertisement chhuah chungchanga thu pawimawhte sawiho niin Ser-chhip District chhunga hman tur rate te bithliah fel a ni.

MCMC hian Inthlanpui neih hun tur puan a niha Model Code of Conduct (MCC) puan a nih atanga MCC puan chhung zawngin Serchhip District huamchhungah Media kaltlanga dan bawhchhiatna a awm em tih a chhuiin a vil thin dawn a ni. Nimin-a thutkhawm ah hian Addl. DC, SDO (Sadar) leh DIPRO te bakah MCMC Member te an tel a ni.