Serchhip-ah Lok Adalat thutkhawm neih a ni

Serchhip District Legal Services Authority (DLSA) buatsaihin Inrinni khan Serchhip-ah Lok Adalat thutkhawm neiin thubuai chi hrang hrang 37 ngaihtuah tura chhawpchhuah a ni.

Ramchhung hmundangte rualin Inrinni kalta khan Serchhip District-ah Lok Adalat thutkhawm hi Serchhip District Court-a Judicial Magistrate First Class Court Room-ah neih niin tun tumah hian Bench pakhat hawn a ni a, hetah hian thubuai 37 chhawp-chhuah niin thubuai 34 chu chinfel a ni a, Settlement Amount chu Rs. 49,76,857/- a ni. Tun tum ah hian Bank Loan rulh loh thubuai pakhat chu ngaihtuah tura chhawpchhuah niin chinfel a ni a, hei hi Rs. 1,83,307 niin Civil Case 36 chhawp-chhuah ah 33 chinfel a ni bawk a, heng zinga 3 te hi a hma lama thubuai lo ngaihtuah tawh te niin Civil case-a thubuai chinfel-a Settlement Amount hi Rs. 47,93,550/- a ni bawk.