Sazuk kaptu-a puh te Court-ah hruai an ni

Serchhip District chhung khaw pahnih a Sazuk kaptu a puh mi paruk te chu nimin khan Serchhip District Court-ah an thubuai ngaihtuah niin thla thar May 7-ah an thubuai hi ngaihtuah leh tura tih a ni.
Tun thla ni 2-a Serchhip District chhung Sailulak ram-a Sazuk kaptu-a puh East Lungdar khaw mi panga te leh hemi ni vek-a Mualcheng ram-a Sazuk kaptu a puh North Mualcheng khaw mi pakhat te hi Sazuk kah thubuai-a man leh thubuai siam sak an nih hnuah nimin khan Serchhip-a Chief Judicial Magistrate (CJM) R. Malsawmdawngzuala Court-ah hruai an ni a, heng Sazuk kaptu a puh te hian Satlaw an chhar nia an sawi avangin Sarep an man te hi a Sample lain Wildlife Institute of India (WII), Dehradun-ah enfiah tura thawn a ni a, hei vang hian thla thar ni 7-ah thubuai hi ngaihtuah leh tura tih a ni ta nia thudawn a ni.

He thubuai-a sawrkar aiawha ding te chuan Sazuk kaptu a puh East Lungdar khaw mi te kut atang hian an Sa man hi Sazuk sa a ni ngei em tih finfiahna a awm loh avangin WII-ah hian enfiah a ni dawn tih sawiin, North Mualcheng khuaa an man erawh a lu leh a ki a tel thung tih an sawi a. Hei bakah hian Satlaw an chhar nia an sawi bawk avang hian heng sa hi natna vanga thi a nih leh nih loh bakah Silai-a kahhlum a nih leh nih loh te pawh finfiah a ngaih avangin WII-ah hian Sample hi enfiah a ngai tih an sawi a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar