SAGY hnuaia Seling khuaa hmalakna thlirho a ni

Nimin khan Aizawl-ah District Level Committee on Sansaad Adarsh Gram Yojana (SAGY), Phase-VI Seling chu an Convener leh District Nodal Officer ni bawk Nazuk Kumar IAS hovin an thukhawm a, he hunah hian DLAO leh Charge Offier Dorothy Muansangi chuan Seling khaw hmasawnna atana Line Department te hna thawh hrang hrang leh hmasawnna te a tarlang a. Hemi rual hian Seling Village Development Plan-a Project kalpui tawh leh hna thawh tawhte thlirletna hun hman ni bawkin Project kallai leh hmabak la awmte sawiho a ni. Seling khua hi Lok Sabha MP C. Lalrosanga’n SAGY Phase-VI hnuaia Model Village atana a thlan a ni a. Khawchhung hmasawnna (Village Development Plan) atana Department hrang hrang 10 hunaiah Project 38 lo ruahman tawh te chu thlirho niin, tun dinhmunah, Project 30 chu zawh a ni tawh a, 8 thawh mek niin zaa 79 vel zawhfel a ni tawh a ni.