Lirthei intlanchhawk nghawng zirchianna a la awm lo

Transport Minister Vanlalhlana’n Aizawl khawpuia lirthei intlanchhawk in a nghawng hrang hrang zirchianna a awm lo tih a sawi.

Nimin a Assembly thutkhawm ah zawhna chhangin Transport Minister Vanlalhlana chuan lirthei intlan-chhawk avangin lirthei a pun chak phah em tih chungchang chu Transport Department-in zirchianna a la nei ngai lo tih a sawi a, lirthei intlan-chhawk hman hma kum 6 chhunga lirthei pun dan chu 60,416 niin hman hnu kum 6 chhunga a pun dan chu 1,26,697 a nih thu a sawi a. Aizawl chu Mizoram khawpui ber a nih angin Aizawl lirthei chauh pawh ni lo, Mizoram hmun hrang hrang atangin lirthei lut leh chhuak a inpawlh sawp nasa em em a. Chuvangin, intlanchhawk avanga nitina lirthei ding zat chu chu sawi mai theih a ni lo a, lirthei intlanchhawkin sum leh paiah a nghawng dan chu Transport Department atang chuan zirchianna a la awm lo a, tun dinhmunah zirchiangtu tur pawh ruat a la ni lo tih a sawi a ni.

Transport Minister Vanlalhlana chuan Aizawl khawpuia lirthei tlan dan chungchang chu Transport Department chan ni lovin Coordination Committee on Traffic Management (CCo-TM) kut a ni tih a sawi a, tih danglam a duh chuan a ti danglam theitu an ni tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar