Polling Station ven uluk ngai zual 21 awm dawn

Mizoram Lok Sabha inthlanna a vote thlak turah Polling Station 21 te chu venhimna uluk ngai zual (Critical Polling Station) a puan a ni.

Mizoram Election Department hotute sawi danin Kolasib District ah Kolasib Assembly bial-a Polling Station pakhat leh Serlui bial-a Polling Station 6, a bikin Assam nena inrina hnaiha awmte chu ven uluk zual ngai ah puan a ni a. Aizawl District-a Tuivawl Assembly bial chhunga Polling Station 3-te bakah Saitual District-a Manipur dep Chalfilh bial-a Polling Station 3 leh Lengteng bial-a Polling Station 2 te chu ven uluk ngai zuala puan an ni bawk a. Myanmar ramri dep, Champhai District-a Champhai South leh East Tuipui bial-a Polling Station 2 ve ve te chu venhimna uluk zual ngai a ni bawk. Hei bakah hian Lawngtlai District Tuichawng bial-a Polling Station 2, Rengkashya leh Lukkisury te chu venhimna uluk zual ngai a puan a ni a.venhimna uluk zual a ngaihna chhan hi nikum a Chakma Autonomous District Council inthlan campaign lai a mi 4-in BJP Candidate Amit Kumar Chakma an thah vang a ni.