Aizawl-a eizawng duh tan ram ruahman sak tum

Land Revenue & Settlement Minister B. Lalchhanzova chuan Aizawl khawpui a eizawng duhte tan ram ruahman sak turin Revenue Department in hmalakna kalpui a tum thu a sawi..

Revenue Minister hian Inrinni zing khan Bawngkawn Brigade Pig Producers Cooperative Society ten eizawnna tura ram an bawh mek, Brigade Field mawng lam ami chu tlawhin hAizawl khawpuia cheng mi tam tak te hian eizawnna hrang hrang kalpui turin ram an neilo tih sawiin, ranvulh te, huan siam te, puantah te leh a dangte kalpui turin ram awl hman tur avang hle tih a sawi a a, hetiang harsatna sukiang tur hian Urban Livelihood Multipurpose Camp (ULMIC) ruahman turin Land Revenue & Settlement Department chuan ngaih-tuahna a seng mek tih sawiin, a puitlin ngei a beisei tih a sawi a ni. Hemi atan hian Aizawl khawpuia cheng eizawnna tur ram nei si lo ten an mamawh, dan anga an hman hawh theih tur ram awl la awm te zawn a ni anga, ram awl nei midangte eizawnna atana hawhtir phalte pawh thawhpui ah sawmin, chutiang ULMIC hmun chu sawrkarin thumrawn (Convergence) hmangin kawngte, electric te, tui te leh tul dangte a ruahman ang, a ti bawk.

ULMIC hi mimal ta tur ni lovin, Zau tinah Society din zel a ni anga, eizawnna mamawh ten Society kaltlangin an hmang tangkai thei dawn a. Hetiang Camp din tur hian Department mal anga kalpui theih a ni dawn lova, Department hrang hrangte, Municipality te, Local Council te, Kohhran leh YMA leh adangte thawhhona tur a ni dawn a. Eizawng duh ten awlsam zawka an eizawnna an kalpui theihnan Zau tin mamawh te sawrkar chuan a theih anga angin a ngaihtuahpui dawn a ni.