PM Project tlangzarh zingah Mizoram a mi tel

Prime Minister Narendra Modi chuan Sawrkar laipui Ministry of Tourism hnuaia Swadesh Darshan leh PRASHAD Scheme hnuaia Project thar 43 khuhhawnna leh Project zawh tawh 9 hawnna chu nimin khan a nei a, Project thar kalpui tur tlangzarh zingah hian 'Development at Vangchhia in Champhai District under PRASHAD' tih chu Mizoram atanga telin hemi puala hun hman hi Govt. Champhai College Multipurpose Hall atangin lo zawm ve a ni.

Prime Minister hian heng Project khuhhawnna leh Project thar hawnna hi Jammu & Kashmir-a Srinagar-ah hmangin hemi puala Govt. Champhai College Multipurpose Hall-a hun hman hi Champhai DC James Lalrinchhana chuan a hmanpui a, PRASHAD Scheme hnuaia hmalakna tura Champhai District chhunga awm Vangchhia khua thlan a ni chu lawmawm a tih thu sawiin, Tourism chawilar chu Champhai District hmathlir tam tak zinga lian berte zing ami a nih thu leh Tourism chu District leh State Ecomomy chawisang thei a nih thu a sawi a. Mizoram chhunga pipu sulhnu tam ber chu Champhai District chhunga awm a nih thu leh North East India-a Grape wine siamchhuahna nei awmchhun a nih thu pawh sawiin, Tourism Industry kaltlanga Champhai District chhunga hmalakna kalpui mek leh hmachhawpte a tarlang bawk.

'Development at Vangchhia in Champhai District under PRASHAD' hi Ministry of Tourism sum cheng vbc. 5.59 senga thawh tur niin, Tourist Information Centre with Public convenience, Care taker cabin Multipurpose Hall, Cafeteria, Kitchen & Dormitory bakah Parking, Solar Panel & Illumination (IS), Rain Water Harvesting Tanks, Waste Collection & Disposal (LS), Compound Wall, Signage (LS), Gate with Security Cabin, 3D Scanning (LS) leh pawimawh dangte siam tum a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man