LADC sawrkar fiah hmain CEM in banna a thehlut

Lai Autonomous District Council (LADC)-a MNF Sawrkar, Chief Executive Member (CEM) V. Zirsanga kaihhruai chu nimin khan thlawptu a neih dan fiahna, Floor test turin LADC Special Session koh ni mahse, CEM hian banna a thehluh avangin Floor test nei lovin thutkhawm tihtawp a ni.

Elected Member 25 awmna LADC-ah hian MNF Legislature Party-a MDC 9 leh anmahni thlawptu BJP, INC, ZPM leh Independent Member pakhat theuh, an vaiin MDC 13 te chuan Mizoram Larsap hnenah CEM nilai V. Zirsanga chuan thlawptu a nei ngah tawk tawhlo tih an thlen hnuah Larsap ruahmanna angin LADC Chairman V.L. Hmuaka chuan V. Zirsanga’n thlawptu a neih dan fiah turin LADC Special Session chu nimin chawhma dar 10:30-a tan turin a ko a, Session tan hma chawhma dar 10:20 khan V. Zirsanga hian CEM atanga a banna chu LADC Chairman hnena a thehluh avangin LADC Special Session-ah hian Floor Test neih theih a nih loh thu Chairman chuan sawiin, tiamchin awm loin Session chu tihtawp zui nghal a ni.

LADC-a CEM in banna a thehluh avang hian Sawrkar thar din tura inruahman dan pangngai anga kalpui tur a nih thu thudawnna chuan a sawi a, thil awmdan tur sawi lawk vek hleih theih nilo mahse, tuna CEM bang ta leh a lamtang ten MNF Legislature Party tho, midang kaihhruaina hnuai ah dinin, sawrkar siam turin hma an lak thuai a rinawm nia thudawn a ni bawk.

Comments

Popular News (Last 30 Days)

LPG man bithliah thar