Mizoram Assembly Budget Session zawhfel a ni ta

Mizoram Legislative Assembly 9-na Budget Session hmasa ber chu nizan hmasa khan Speaker Lalbiakzama chuan tiamchin awm lovin a titawp a, he Session hian ni 24 chhung zet a awh a ni.

Thla kalta February 19 atanga neih he Session neih chhung hian kum 2024-25 chhunga Mizoram sawrkar sum hman tur cheng vbc. 14,412.12 bakah kum 2023-24 a Department hrang hrang sum indaihlohna phuhrukna tur cheng vbc. 3,287.93 a pass a ni a. Mizoram sawrkar Bill pawimawh 10 pass niin heng bill zingah mipui hnen atanga lak tur chhiah, 'Indian Stamp (Mizoram Amendment) Bill, 2024' chu pass a ni a, Stamp Duty zaa 1 lak thin chu zaa 3-ah tihpun a ni dawn a ni.

Hei bakah hian India leh Myanmar ramri hung tura hmalakna an duhlohna Official Resolution pass a ni a, Speaker tarlan danin Session neih hun chhung ni 24-ah hian thutkhawm vawi 16 neih a ni a, Session chhung hian zawhna House-a tawngka a chhan chi 482 lutin 475 pawm a ni a, 4 chu hanwlin 3 hnuhlet a ni a, zawhna zinga 75 chhan a ni a, zawhna 194 chu Unstarred-ah leh a ni a, ziaka chhan chi 37 a lut bawk. House-ah Report pathum present niin Private Member’s Resolution 94 lut chu pawm vek niin 2 sawiho a ni bawk. Mizoram Legislative Assembly Budget Session hi Feb. ni 26 khan Vice President Jagdeep Dhankhar khan chhimin thu a sawi a, House-a Vice President thusawi vawi 2-na a ni a, Governor pawhin tun tum Session-ah hian thu a sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar