JERC in ngaihdan leh thurawn ngaihthlakna nei

Power & Electricity Department in Financial Year 2024-25 atana kawlphetha hman man (electric tariff) thar a rawtna chungchanga mipui ngaihdan leh sawiselna a dawnte chu Joint Electricity Regulatory Commission for Manipur and Mizoram chuan nimin khan ngaihthlakna hun (Public Hearing) chu Aijal Club-ah an buatsaih.

JERC for Manipur and Mizoram (Multi Year Tariff) Regulations, 2014 in a phut angin Power & Electricity Department hian kum tinin mipui hnena kawlphetha pekchhuah nana sum leh pai a mamawh dan (Aggregate Revenue Requirement) leh Electric hmanman bithliah (electric tariff) a rawtna chu JERC-ah a thehlut thin a. He rawtna hi chanchinbu-ah chhuahin mipuiah sawiselna emaw, thurawn pe duh emaw tan hun hawn thin a ni a. Sawiselna emaw thurawn pe duh chuan ziakin (Affidavit hmangin) Power & Electricity Department hnenah huntiam chhungin an thehlut thin a. Joint Electricity Regulatory Commission for Manipur and Mizoram in Public Hearing neiin an thurawn leh sawiselna te a lo a ngaithla in a lo ngaihtuah thin a ni. Nimin-a Public Hearing hman hi JERC for Manipur & Mizoram Chairperson R. Thanga leh Member Er. Benjamin L.Tlumtea ten an kaihruai a ni.