Mi 1386 tan theihna ah tang 2189 an awm

Home Minister K. Sapdanga chuan Mizoram-a Tan In hrang hrangah mi 1386 tang thei a nih laiin tun dinhmunah Jail tang mi 2189 an awm mek tih Assembly thutkhawmah a sawi.

Home Minister chuan Mizoram-ah Prison Department hnuaiah Central Jail pakhat, District Jail 8 leh Women Jail pakhat a awm thu sawiin, heng Jail hrang hrang hi mi 1386 tanna tur a ni tih a sawi a, tun dinhmunah Jail tang mek mi 2189 an awm a, Jail awmsa hian min dawl zo lo hle tih sawiin, Jail tang an tam lai berin 2256 an tlin thu a sawi bawk.

Home Minister chuan sawrkar chu theihtawpin a in buatsaih tih sawiin, tunhnaiah Mizoram tan Open Jail atan Project a siam thu a sawi a, Mizoram tan Open Jail hi a tha dawn em tih zirchian mek a nih thu leh Jail tihphuisui nana ruahman hi pawm la ni chiahlo mahse cheng vbc. 55 nei turah an inngai tih a sawi bawk.