March 15, 2024 aia tlai lo ah Lo hal vek turin hriattir

Serchhip District Bawrhsap chuan Serchhip District chhunga lo, huan, leipui hal turte chu March ni 15, 2024 aia tlai lova hal vek turin a hriattir.
Hemi chungchanga tunhnaia thupek a tihchhuah ah Serchhip District Bawrhsap chuan The Mizo-ram (Prevention and Control of Fire in the Village Ram) Rule, 2001 leh District Level Committee on Fire Prevention (DLCFP) thutkhawm kumin January 31-a neih thuchhuak bawhzuiin mi tumahin meilam tha tawk sial hmasa lo chuan Lo/huan leh Leipui an hal tur a ni lo tih a tarlang a, mi tumahin mihring nunna leh bungrua/ro atana hlauhawm turin kangmei an tichhuak tur a ni lo tih pawh tarlangin, eirawngbawlna leh ran chaw chhumna leh intihlumna atana hman - thuk, meihawl, khawnvartui, gas, electric thuk etc. kangmei tichhuak thei zawngin an chelek tur a nih loh thu leh ramhnuaia an meichhem timit lovin kalsan tur a ni lo tih te a tarlang a, Serchhip District chhunga Lo, Huan leh Leipui hal turte chuan March ni 15, 2024 aia tlai lovah hal vek tur a nih thu pawh a tarlang a ni.

Serchhip District Bawrhsap chuan he thupek hi hman nghal tur a nih thu leh sut leh a nih hma chuan thla hnih (2) chhung atan hman tur a nih thu pawh tarlangin, thupek bawhchhiate chu Section 188 IPC angin hrem theih a nih thu pawh a tarlang bawk a ni.