LS inthlanpui atana PC Manifesto tlangzarh

PC Party chuan Lok Sabha MP Inthlanpui lo awm tura an Party Manifesto chu nimin khan an puang.

Aizawl Press Club-a thuthar lakhawmtute hma ah People's Conference (PC) Party President PC. Vanlalruata chuan MP inthlan lo awm tura an Party Manifesto 10 hi puangin MP inthlanpui ah an Party Candidate a tling a nih chuan Aizawl-ah MP Office din a nih tur thu a sawi a, hei bakah hian UCC leh Ram, Hnam leh Sakhaw himna tichhe thei hmalakna apiang dodal a nih tur thu an sawi. PC Party chuan ram leh hnam chungchang document lakkhawm bakah Mizoram sawrkarin dik taka hna a thawh theih nana hmalak te chu an tih tur zingah an dah a. Hei bakah hian Central Scheme hrang hrang diltu bakah Competitive Examination beitu te puih te, Mizoram leh Burma inkara ramri hung tumna dodal bakah Free Movement Regime neih let nana hmalak an tum thu an tarlang a, Hydel Project lian neih nana hmalak leh District tina Industry liantham din te pawh an tum thu an sawi bawk a, an Candidate tur puanchhuah thuai an tum thu an sawi bawk.