Kum 2022-2023 ah ASF vangin Vawk 47,269 a thi

AH&Vety Department changtu Minister C. Lalsawivunga’n kum 2022-2023 chhungin Vawk pul hri ASF avangin Mizoram-ah Vawk thi 47,269 an awm tih Assembly Session neih zawh takah Hachhek bialtu MLA Robert Romawia Royte zawhna ziaka a chhanna ah a sawi a, AH&Vety Minister chuan Vawk suat 25,182 a awm thu leh a thi te hi Rs. 132,20,31,000 man hu nia chhut a ni tih sawiin, a tuartu zat chhungkua chu mi 19,017 an ni tih a sawi. ASF hri leng hi kum 2021 March thla khan Mizoram khawthlang lama Bangladesh ramri bula Lunglei district-a Lungsen khuaah hmuh tan a ni a, kum 2021 khan ASF vangin vawk 33,400 lai an thi a ni.