ILP fello 1187 man an ni

Central YMA leh Mizoram Police ten ruahmanna an siam angin nizan hmasa khan Mizoram pumah hnamdang ILP nei lo te enfiahna runpui neih a ni a, ILP fel lo mi 1187 zet hmuhchhuaha man an ni. Tun tuma ILP enfiah runpui neih ah hian Aizawl khawpui chhunga Police Station hrang hrangah ILP nei lo leh fello mi 1065 hmuhchhuah niin Lunglei Police Station-ah mi 62 man an ni bawk a, Champhai Police Station-ah 40 bakah kum tling lo paruk manin, Saitual Police Station-ah 47, Serchhip Police Station-ah panga, Khaw-zawl Police Station-ah pali leh Mamit Police Station-ah panga man an ni bawk. Mizorama hnamdang hnathawk, ILP nei lo thahnem tak an awm chu enfiah a, hmalak chhoh zel tul niin Central YMA chuan an hriat thu sawiin, ILP pekchhuah dan chungchang pawh enthat tul nia an hriat thu an tarlang bawk.