Kuhva tawlhruk buaipui tur ala awm reng tih sawi

Home Minister K Sapdanga chuan tunah hian kuhva tawlhruk chu lu ti hai tham buaipui tur a awm reng tih a sawi.

Nimin-a Assembly Session-ah zawhna chhangin Home Minsiter chuan, kuhva chungchang chu a lang pawhin, a ruk pawhin sawrkar in a buaipui a, sawrkar aiin mipuiin an buaipui a, hemi chungchangah hian mipui an inthurual tlang a ni, a ti a. Ruling a ni emaw, eptu a ni emaw, kuthnathawk, sawrkar hnathawk, ram pum tan tlan a ngai a. Ram chhunga kuhva thar hralhna ti khaw lo a ni miau a, mitin tan tlan a ngai a ni, a ti. Home Minister chuan kuhva tawlhru te chu an chep sawt ta viau nia a lan thu sawiin, hetihlai hian a chhekkhawl a awm niin a lang a, engtik hun laia chhekkhawl nge, zalen hun lai a awm em ni tih zawhna a awm tih sawiin, sawrkar thar hnuaiah chuan Police Check Gate-ah foreign kuhva a kaltlang tur a ni lo tih thupek a awm a, an zawm tha hle tih a sawi a. Kuhva tawlhna tur hi kawng ruk chu a awm ni a sawi a nih thu Home Minister chuan  a sawi bawk.