Biometric attendance-ah a hmawr bawk dawn hnai

Chief Minister Lalduhoma'n Mizoram Secretariat-a sawrkar hnathawk zawng zawng te Biometric attendance hmang tura hmalakna kal mek chu a hmawr bawkna thlen chhoh mek a ni, a ti.

Nimin-a Assembly thutkhawma zawhna leh chhanna hunah General Administration Department changtu Chief Minister Lalduhoma chuan Biometric Attendance hmalakna chu District Level thlenga hman chhoh zel tura ruahmanna kalpui mek a ni tih sawiin, Mizoram Secretariat-a Biometric Attendance System hmang tura hmalakna chu a hmawr bawkna thlen chhoh mek a ni tih a sawi a ni.

Chief Minister chuan Biometric Attendance chu a sum sen a hautak hle tih sawiin, sum sen vak ngailo chi Department thenkhat in an ngaihtuah chhuah thu leh an pawm tho tih a sawi a, Education Department in QR Code hmangin kal chhinchhiahna an siam thu leh School Zirtirtu kal te chhinchhiahna atana School hungchhung atangin Geo-Fencing an ti tih sawiin, School chhung atang bakin attendance a pek theihloh tih a sawi bawk. Chief Minister Lalduhoma chuan Geo-Fencing hmanga Attendance dah thin chu a sum sen a hautak loh avangin thil tha tak a ni tih sawiin, Playstore-ah download theiha siam a ni tih a sawi a, Biometric Attendance ang tho in an ring tawk tih sawiin, kal chhinchhiahna an hman hma leh hman hnuah Office kai dan a danglam tih a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man