Kawng siamtu lirthei chesual ah hnamdang a thi

NHIDCL hnuaia National Highway-54 laihzauh leh siamthat hna thawktu BIPL Company hnuaia thawk Truck pakhat chu nizan khan Serchhip atanga Thenzawl panna kawng, Mualvawm kawr bulah chesual in kawngthang ah a tlanliam a, he Motor ah hian a khalhtu hnamdang pakhat chuangin vanduaina thlenna hmunah hian a boral a ni.

He Motor chesual hi hriat nghal a ni mai lo a, tukin a Serchhip atanga Balu phur tura kal lirthei pakhat chuan kawngsir lo pe sun chu hmuin lirthei chesual an awm a nih ringin an enfiah a, Motor chesual a awm tih hi hriat a ni ta chauh niin Serchhip Darnam Branch YMA hruaitute chuan an sawi.

He thil thlenna hmunah hian Serchhip Police te kal nghalin buaipui ngai ang ang an buaipui nghal a, he Motor khalhtu ruang pawh hi Postmortem turin Serchhip damdawi In ah lak nghal a ni.