Solar Plant ah hma la tih sawi

P&E Department changtu Minister F. Ro-dingliana chuan Solar Plant siam lamah sawrkar in hmalak a tum tih nimin-a Assembly Inkhawm ah Member te zawh belhna chhangin a sawi a, khaw tin deuhthaw a Solar Plant dah tumna ang chi chu Environment thilah remtih chiah loh thil a nih avangin khaw thenkhatah chuan ruahmanna siam tum a ni tih a sawi a. Vantawng Thenzawl ramah MW 10 pechhuak thei, Pamchung ram North Vanlaiphai-ah MW 20, Dilkhan Sumsuih ramah MW 5, Keifang Saitual bulah MW 10 hmalakna a awm a, hei bakah hian khaw thenkhatah la tih theih turah an ngai tih a sawi a ni.

P&E Minister chuan Serlui 'B' Hydel Project chu sawrkarin a ngaipawimawh tih pawh Assembly House-ah Member te zawh belhna chhanga sawiin, tun kum kalta ah khan khawl siamthatna atan cheng nuai 15 vel an dah tih a sawi a, khawl pahnih chu kumin February khan tihnun tawh niin, a dang pakhat chhia siamtha turin Technician te nghah mek an nih thu a sawi bawk a ni.