Expenditure Monitoring Team in hna thawk tan

Mizoram in Lok Sabha Seat khat (1) a neih hnawhkhahna tura Inthlanpui neih hun tur puan a nih hnuah Serchhip District-ah pawh Expenditure Monitoring Team hrang hrang te chuan an hnathawh tur ang te an thawk tan ta.
Serchhip District Bawrhsap leh District Election Officer David Lalthantluanga chuan nimin khan hriattirna tichhuakin Election Commission of India in General Election to Lok Sabha, 2024 neih hun tur a puan tak avangin Serchhip District huamchhungah Expenditure Monitoring Team hrang hrang ten hna an thawh tan nghal thu a tarlang a. Compendium of Instructions on Election Expenditure Monitoring in a sawi angin Static Surveillance Team (SST) te chu Motor hrang hrangte enfiah turin Constituency tinah dah an ni a. Heng Static Surveillance Team te hian Motor; Candidate emaw, Candidate Agent emaw, Party Worker emaw te chu sumfai Rs. 50,000/- (Cheng sing nga) aia tam keng an hmuh chuan an man thei a. Poster, Election bungrua emaw, Drug, zu leh ralthuam emaw, inthamna atan hman chi thilpek Rs. 10,000/- (Cheng singkhat) man hu aia tam an hmuh chuan an man thei bawk a ni.

Tarlan tawh angin Serchhip District chhunga Assembly Bial pathum-ah hian Static Surveillance Team (SST) hi pahnih theuh, a vaiin District chhungah paruk (6) siam a ni a, Officer leh venhimna hna thawktu mi pakhat ve ve bakah videographer dah theuh an ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man