Exam tha/nawn dawn lo

Mizoram Board of School Education (MB-SE) chuan pawl 10 zirlaite tana High School Leaving Certificate Examination, 2024 a kalpui mekah Social Science Subject chu Exam that/nawn a ni dawn lo tih nimin khan thuchhuah siamin a tarlang a. Social Science Answer Paper endik dan tur chungchangah zirlai tute mahin an tawrh lohna tur leh hamthatna chang bik an awm lohna turin Examination Committee in hma a la ang tih a tarlang bawk. He thil duhawm lo tak thleng avanga Zirlai te, Zirtirtu te leh nu leh pate rilru chi-aina leh hlauhthawnna lo thleng zawng zawngah School Education Department leh MBSE chuan pawi a ti takzet tih pawh tarlangin, “Zirlaite harsatna hrethiam takin MBSE chuan hma a la dawn a, tumah chi-ai lo turin leh thlamuang taka awm theuh turin a chah a ni. Hetiang thil duhawm lo hi a thlen nawn tawh lohna turin hma a la zel dawn a ni,” a ti bawk.