Cheng nuai 43 chawi turin Hospital hriattir a ni

Mizoram State Consumer Dispute Redressal Commission chuan New Life Hospital chu J. Zosangzuali leh a naupai lai thih chungchangah zangnadawmna Rs. 43,48,480/- chu a pasal Lalduhawma leh a fapa hnenah pe turin a ti.

Sawrkar thuchhuah tarlan danin Lalduhawma nupui J. Zosangzuali hi nau nei turin November 12, 2016-ah admit a ni a, darkar riat zet nau veina pek a nih hnuah naute a nei mai theih loh avangin zan dar 9:00 velah tihtawp leh a ni a. A tuk Nov. 13, 2016 zing dar 6.30-ah nau veina pek leh niin a hnu darkar khat a pelh hnu lawkah ICU a dahluh ngai khawpin a awm ta a, ICU-a dahluh a nih hnu hian naute (hmeichhia) thi sa in a hring a, amah pawh hi tlai dar 4:30-ah a boral zui ta a ni.

J.Zosangzuali leh a naupai lai thihna avanga lungawi lovin New Life Hospital in an enkawl danah hian Medical Negligence awma a hriat avangin Mizoram State Consumer Dispute Redressal Commission-ah a pasal hian Complaint a thehlut a, New Life Hospital chu Rs. 98,45,440/- chawi turin a phut a ni. Hun rei tak thubuai hi ngaihtuah niin Doctor hrang hrangte pawh witness atan koh an ni a, hemi hnu hian Judgement siamin New Life Hospital chu Medical Negligence chungchangah thiam loh chantirin Rs. 43,48,480/- chawi tura tih a ni a. Heng an pawisa chawi tur hi ni 90 chhungin State Commission-ah deposit/pe turin a hriattir bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man