Beng tha lo mi 150 te hnenah Beng dar pek an ni

Beng tha lo te tanpui thintu, Ephatha Society of Mizoram for the Deaf and Hard of Hearing (ESOMDHH) chuan tunhnai khan Mizoam hmun hrang hranga Beng tha lo mi 150 te chu a thlawnin Hearing Aid an pe.

Hemi chungchang hi Inrinni khan thuchhuah siama sawiin, Ali Yavar Jung National Institute For Speech And Hearing Disabilities (D), Mumbai nen tangkawpin thla hlui ni 27 atanga ni 29 chhung khan ni thum awh Beng tha lo te enfiahna chu an School, Ephatha Special School for the Deaf and Hard Of Hearing, Kulikawn West-ah an nei a. He hunah hian Mizoram hmun hrang hranga Beng ri hriatna tha lo mi 150 te hnenah a thlawna Hearing Aid pek a nih thu leh hei hi sawrkar laipui Department of Empowerment For Persons With Disabilities, Ministry of Social Justice And Empowerment hnuaia ADIP Scheme kaltlanga pek a nih thu an sawi. Hei bakah hian nimin Pathianni kha World Hearing Day niin he ni pual hian Mizoram mipuite chibai an buk bawk a ni.