Tuirini Small Hydel Project tihnun leh tum

Chief Minister Lalduhoma'n sawrkar hmasa in a lo tihtawp tawh, Kawlphetha MegaWatt 24 pechhuak thei tur Tuirini Small Hydel Project chu tihnun leh tumin hma an la tih House a hrilh.

Assembly Session neih mekah kawlphetha MW 24 pechhuak thei tur Tuirini Small HP chungchang hi sawiin Chief Minister chuan Externally Added Project atangin New Development Bank-in a Finance tur a nih thu leh 1.25% chauh a pung tur a nih thu a sawi a. “A project a tha hle, kum 19 atana tih a ni a, kum 15 chhunga rulh tur a ni. A DPR hi March, 2007-ah buatsaih a ni a, a kal zel a, tichuan, kum 2022-ah Vbc. 584 ngai tura chhutchhuah a ni,” a ti a, “Nikum inthlan hma lawk November thla chho velah khan sawrkar hmasa in a lo drop ta a ni,” a ti. Chief Minister chuan hei hi an ui em em tih pawh sawiin, “Tihnun leh tumin tunah hian hma kan la,, kan tinung leh thei angem tih kan chiang lo a, mahse kan indawr leh tan mek tawh a, tih theih hram nise kan duh,” tiin, “A that em em na chu power lo chhuak tur hi a vaiin kan ta tur a ni,” a ti bawk.