Tualthattu nia hriat man nghal

Aizawl Tuikual South-a cheng nu pakhat chu nimin zing khan Aizawl New Market-a a dawr ah a ruang hmuh a ni a, tualthattu nia hriat hi Police te chuan man tawhin hemi chungchang hi chhui zui mek a ni.

Nimin tlai khan Home Minister K. Sapdanga chuan Aizawl SP Conferencde Hall ah thuthar thahdarhtute kawmin nimin zing khan Zothanmawia (64), Tuikual South Veng chuan a nupui V Lalhmingthangi, Aizawl New Market a VLH Variety Store neitu chu Inrinni zan-a a haw loh avanga Aizawl Police Station-a report siam a tum laiin a fapa in a nu, V. Lalhmingthangi ruang chu a dawr chhungah an hmuh thu a rawn hrilh tih a sawi a. Report dawn a nih velah hian Mizoram Police leh Forensic Team-te chu, ruang awmna dawrah kal nghalin, ngawrh takin hnu chhui tan nghal a ni tih a sawi a. A hmun a thil awmdan leh he thil thleng chhungchanga thu hriat nei awm angte Statement atangin Police Team hrang hrang insem darh chuan a titu ni ngei a rinhlelh Irene Lallawmzuali (34), Ramthar North a cheng mek chu nimin khan Zemabawk Dinthar Veng-a a thiannu In atang man nghal tih Home Minister chuan a sawi a ni.

Home Minister chuan tualthattu a rinhlelh kut atang hian tualthahna atan a hman ni ngei a lang, Chemte leh tualthi ta thil neih ni ngei a lang engemawzat man tel a ni bawk tih sawiin, “Kan mi rinhlelh in Police hma a a thusawi atang chuan ama tih ngei niin a lang,” a ti.

Nimin zing-a V. Lalhmingthangi ruang hmuh a nih hian a taksa-ah kutthlakna hnuhma awmin a ruang hi Postmortem nghal a ni a. Police te chuan hnu chhui tur tam tak la awmte pawh a tahtawl a uluk tak a chhui zui leh vek tur a ni tih sawiin, “Thiltisualtu in thiamloh a chan ngei theih nan mipuiten theihtawp a Police-te hnuchuina min pui turin kan insawm a, hnuchuina ti thuanawp thei tur thil tilo turin kan in ngen a ni,” an ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar