Zirlai ten Zirtirtu an dang

Govt. Higher Secondary School Serchhip a zirlai naupangte chuan an Zirtirtu insawn tur chu nimin khan an dang.

Govt. Higher Secondary School Serchhip-a zirlai naupangte hian an School-a Zirtirtu thenkhat a thlaktu tur dah lova sawn an duh loh lantir nan nikum September thla khan lungawlohna chi hrang hrang an lo lantir tawh a. Hemi hnu nikum September thla khan Samagra Siksha hnuaiah Tlabung HSS-a Chemistry Lecturer V. Lalmalsawmi chu attached-a rawn dah lailawk a ni a. Tun thla ni 1 khan V. Lalmalsawmi hi a hna ngai ah dahlet leh tura Order tihchhuah niin nimin khan a hna zawm tur hian kal a tum a, hei hi duh lovin Govt. HSS Serchhip-a zirlai naupangte hian an dang a. V. Lalmalsawmi hian nimin-a kal a tum chu a sut leh hnuah nimin tlai dar 3:55 khan heng zirlai naupangte hi an tin a ni. 

Hetianga Zirtirtu sawn avanga zirlaite lungawilohna chungchang hi sawrkar thuneitute pawh hriattir nghal an ni bawk a. Sawrkar thu-neitu lam chuan V. Lalmalsawmi hian Tlabung HSS-a a hna pangngai zawm tura kal phawt tura ruahman in April thla ah Transfer pangngai anga kal tura an lo hriat tur thu an rawn hrilh niin thu-dawnna chuan a sawi a ni.