Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip Mat Phai tlawh

Horticulture Department changtu Secretary K. Larinzuali chuan nimin khan Serchhip Mat Phai-a Thlasik thlai chinna hmun a tlawh.
Serchhip a rawn kal Horticulture Department changtu Secretary K. Lalrinzuali hian nimin tlai khan Serchhip Mat Phai hi tlawhin Serchhip-a District Horticulture Officer (DHO) R. Lalrintluanga leh BHO Hannah Lalrohlui Betlu te chuan an hmalakna hrang hrang an kawhhmuh a, Zawlpui Phai-a Thlasik Thlai chingtu mi pahnih te Nul tlawhin an hnathawh dan hrang hrangte a thlir nghal a ni. Serchhip-a Horticulture Department hotute chuan kumin hian Serchhip Mat Phai-a Thlasik thlai chin kawngah harsatna an nei rih lo tih sawiin, Zikhlum pawh thar tha tura an beisei thu an sawi bawk.

Comments

Popular News (Last 30 Days)