Zirlai nu leh pa 6 te hnenah Vawk note an pe

Lunglei-a Bethesda Higher Secondary School chuan Helping Hands Project an neih atangin nimin khan an zirlai vannei mi 6 chhungte hnenah Vawk vulh tur, Yorkshire Breed an pe.

Bethesda Higher Secondary School Helping Hands Project thilpek hlanna inkhawm hi nimin khan an School Auditorium-ah neiin he hunah hian School Principal Lalnunsanga Pachuau chuan hun rei tak atanga an lo suangtuah tawh, Zirlai nu leh pa, harsa taka an fate chawmtute engemaw kawng tala puihlet chu a taka an kalpui theih dawn avangin lawmawm a tih thu a sawi a. Zirlai te chu Lehkha an zir lai atanga anmahni mamawh thawkchhuak thei tura an fuih thin thu sawiin, Vawkvulh-a an an nu leh pa ten an chawm zirlai 12 an thlanchhuah thu leh tun tuma mi 6 hnenah an nu leh pa te vulh tur vawkte an pek theih dawn avangin lawmawm a tih thu a sawi a. Tun tum hi Helping Hands Project bultanna a nih thu a sawi bawk. 

Helping Hands Project hnuaia Bethesda Higher Secondary School-a zirlai, an nu leh pa te vulh tur Vawkte an pek te hi mi paruk niin, Pawl 12 zirlai 3 leh Pawl 9, pawl 10 leh pawl 11 zirlai pakhat theuh te an ni.