Vawk lakluh khuahkhirh leh

Serchhip District chhungah Vawk leh Vawksa lakluh chungchangah khapna leh khuahkhirhna thupek tihchhuah thar leh a ni.

Hemi chungchanga January 31, 2024-a Serchhip District Magistrate David Lalthantluanga IAS in thuchhuah a siamah Serchhip District chhungah ram pawn atang leh State dang leh District dang atangin ASF hri rawn lut palh thei reng a nih avangin Serchhip District chhunga kan ranvulh te an lo him theih nan Section 144 of Cr. PC 1973 tlawhchhanin Serchhip District chhungah ramdang (Foreign countries) bakah State dang leh District dang atangin Vawk, Vawksa leh Vawksa atanga siam eitur reng reng lakluh khap tlat a ni tih a tarlang a. Serchhip District chhung khua leh khua a Vawk inlakpawh tawn turte reng rengin Vawk hrisel tha ngei a ni tih hriatpuina AH & Vety Department a thawktute hnen atangin an nei ngei tur a ni tih a tarlang bawk.

Hei bakah hian Vawk hrisel tha chauh talh tur niin Vawk damlo reng reng talh tura sawng-bawl loh tur a ni a, Vawk damlo leh thi reng reng chu AH & Vety Department thawktute hnenah hriattir vat tur niin Vawk thi reng reng thuk taka phumbo tur a ni tih a tarlang a. He thupek hi chhuah a nih atanga thla hnih (2) chhung huam tur niin thupek zawm lo chu Section 188 IPC dan hmangin hrem theih an ni ang tih a tarlang bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man