Bamboo Value chain sawiho

Nimin tlai khan Horticulture Minister Prof. Lalnilawma hovin a Pisa-ah Asian Development Bank-Bamboo Value Chain in North East Region Project chungchang sawiho a ni a. He hunah hian India hmarchhak State-a Mau te a hlawk thei ang bera hman tangkai dan tur ruahmanna Asian Development Bank sum bultuma project kal dan turte sawiho a ni a. Taiwan-a Technology hriat thar te he Project a hman tangkai theih turte sawilan niin, Project kalphung tur sawiho a ni bawk. He thutkhawm ah hian Horticulture Minister chuan he Project hmang hian Mizoram-a Mau awmsa hman tangkai leh sawngbawl dan bakah ram tana chhenfakawm zawka kalpui a nih ngei a beisei thu a sawi bawk.