‘World Wetlands Day 2024’ pualin hun hman a ni

Nimin khan Govt. Zirtiri Residential Science College Hall, Durtlang Leitan-ah ‘World Wetlands Day 2024’ pualin hun hman a ni.

Mizoram EIACP Hub - Mizoram Pollution Control Board (MPCB) leh Govt. Zirtiri Residential Science College (GZRSC) Eco-club, Department of Botany & Zoology tangkawpte buatsaiha he hun hman ah hian Benjamin Lalnunsanga Colney, Programme Officer, Mizoram EIACP Hub - MPCB chuan kum 1997 atangin kumtin February ni 2 chu ‘World Wetlands Day’ atan hman thin a nih thu sawiin, Mizoram-ah Wetlands 88 vel awmin chung zinga langsar zual leh tlawhtu ngah zual Tam Dil, Palak Dil leh Tlawng luite chu vawng thianghlima tibawlhhlawh lo turin kalkhawm te a fuih a. Wetland-te vawnhim leh humhalh nan a vela ramngawte zuaha thingphun uar a pawimawh thu a sawi bawk.

He hunah hian Resource Person Dr. Lalzahawmi Chenkual, Associate Professor, Department of Zoology, GZRSC chuan mihringte tan leh kan khawvel tana Wetlands pawimawhnate sawiin, mihring hriselna leh rilru lam thlenga a nghawng theih dan te, sik leh sa nen a inkungkaihna te leh Wetlands chhe tur leh tlem zel tur venhim leh humhalh dan turte a sawi a, Mizoram-a Ramsar Site kan neih Palak Dil chungchang zirchianna te a tarlang bawk.

Comments

Popular News (Last 30 Days)

LPG man bithliah thar