I&WR Department-a Technical Staff te thukhawm

Irrigation & Water Resources Department (IWRD) PC. Vanlalruata chuan nimin khan an Department hnuaia Technical Staff te thutkhawm a neihpui.

I&WR Department Conference Hall-a thutkhawm ah hian I&WR Minister PC. Vanlalruata chuan sawrkarin Policy leh Framework a duante tarlangin, Department Official kalkhawmte chu kuthnathawktute hmasawn nana theihtawp chhuah turin a chah a. Department hnuaia thawktu indaihlohnate pawh a ziaawm theih nan hmalak mek a nih thu sawiin, sum indaih lo hle mah se buh leh thlai chawmna tur tuilakna tha siam chu sawrkar flagship programme pakhat a nih avangin mamawh zualpui ang angte hnawhkhah a nih theih nan hmalak zel a nih tur thu a sawi. Minister chuan I&WRD hna te chu hunbi neia thawh ngai a nih avangin a hun taka hna thawh zung zung a pawimawh thute leh, Department mai piah lamah ram pumpuiin hma a sawn zel theih nan central atanga sum haichhuak thei turin project tha leh chhenfakawm turte duang chho zel turin a fuih a. Department Official-te chu ram tan theihtawp chhuah zel turin a fuih bawk.

He hun hi Dr. H. Lalthlangliana, Secretary, I&WRD chuan kaihruaiin Department hnuaia Division hrang hrangte atangin report ngaihthlak a ni a. I&WR Department kaltlanga Mizoram hmun hrang hranga PMKSY, NABARD (RIDF) leh Scheme pawimawh hrang hrang hnuaia hmalakna kal mekte leh hmachhawpte sawiho a ni.