PMGSY hnuaia hnathawh thlirletna hun hmang

Pradhan Mantri Gram Sodak Yojana (PMGSY) hnuaia hnathawh te thlirletna hun chu nimin khan Chief Minister Lalduhoma hovin CM Meeting Hall-ah neih a ni.

He thutkhawm ah hian PWD Minister Vanlalhlana leh Adviser to CM TBC. Lalvenchhunga bakah PWD hotute telin Chief Minister chuan, sawrkar thar kan neih hmaa PMGSY hmalakna Vawiin thlenga la thawh, a huna zawh hman loh tur nia lang te chu chak taka thawh tir turin a chah a. “Sawrkar thar kan neih hnua hnathawhte phei chu a hun taka zawh ngei kan tum tur a ni,” tiin Department Officials te a hrilh a ni.

He huna tarlan a nih danin PMGSY Version 1 hmangin kawngpui 345, kilometers 4288 a thui sial a ni a, an zinga 43 hi la zawh fel loh a ni a. Version 2 hmangin kawngpui 6, kilometers 194 a thui Pavement leh Repairing thawh a ni a, heng zinga panga (5) hi la zawhfel loh a ni a. Tunah hian Version 3 a lo chhuak leh tawh a, Upgradation leh Improvement hmun 17 a thawhna tur a ni ang.