Union MoS for H&FW in Mizoram a tlawh mek

Union Minister of State for Health and Family Welfare SP. Singh Baghel chuan nimin khan ni hnih (2) chhung cham turin Siaha a thleng a, sawrkar mi pawimawh hrang hrang ten an lo dawngsawng a ni.

Union Minister SP. Singh Baghel hian Helicopter hmanga Siaha hi thlengin MADC-a CEM nilai M. Laikaw, Siaha District-a MLA pahnih leh District Bawrhsap bakah SP ten an lo dawngsawng a, hemi hnu hian Circuit House a pan nghal a, Siaha District chhunga sawrkar Official leh party hruaituten lo hmuakin sawrkar Official te nen hian thutkhawm an nei zui nghal a ni. Siaha District Bawrhsap Lalhmunsanga kaihhruaia Union Minister lawmna hunah hian Addl. DC Lalnunmawii chuan inlawmna thu sawiin, SDO (Sadar) Malsawmtluangi chuan District nihphung tlangpui bakah administration kalphung, hmalak dan leh hmabak awm ang angte a sawifiah a, sawrkar Deparment hrang hrangte hnathawh dan tarlangin, Siaha District chhunga Health Department hnuaia hnathawh leh hmalak ngaihna hrang hrang bakah Health Department dinhmun tlangpui a tarlang bawk a ni.

Union Minister SP. Singh Baghel hian sawrkar Department hotute a kawm hnu hian Kohhran hruaitute bakah BJP hruaitute a kawm nghal a, ruahman lawk ang chuan Vawiin hian District Hospital, Health & Wellness Centre leh Sub-Centre bakah Govt. Siaha College a tlawh anga, hemi hnu hian tlawmngai pawl hrang hrang hruaitute kawmin naktuk-ah Grace Children's Home a tlawh leh anga, hemi hnu hian Lengpui Airport a pan nghal dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man