Bangladesh atanga dan lova Chakma lo lut dang turin MZP in CYCA an hrilh

Mizo Zirlai Pawl (MZP) chuan Bangladesh atanga Chakma foreigner dan loa lo lut tam lutuk dang turin Central Young Chakma Association (CYCA) hruaitute hrilhin, Mizoram chhunga Chakma hel pawl (PCJSS) te Training Camp hmun 8-a awmte titawp tura hmala turin an hriattir bawk.

MZP General Hqrs. hruaitute hian niminpiah khan Chawngte-a MZP Sub-Hqrs. buatsaih Zirlai titha chawimawina hun hmanpuiin hemi hnu hian Chawngte-a MZP Sub-Hqrs. Pisa-ah Central Young Chakma Association (CYCA) hruaitute nen an inkawm a, he hunah hian MZP hruaitute chuan Bangladesh atanga Chakma foreigner dan loa lo lut tam lutuk dang turin Central YCA hruaitute chu an hrilh a, heng mi te hi Mizoram chhunga awmsa Chakma te tan pawh thil pawi tak a la nih dawn avangin Chakma illegal Immigrant-te chak taka dang turin an hrilh a ni.

Hei bakah hian MZP hruaitue chuan, Central Young Chakma Association hruaitute chu Mizoram chhunga Chakma hel pawl (PCJSS) te Training Camp, Lunglei leh Mamit District chhung hmun 8-a awmte titawp tura hmala turin an hriattir nghal bawk a. Mizoram chhungah Chakma hel Training Camp awmte a rang thei ang bera an titawp lo a nih chuan hma an la dawn tih sawiin, chumi hmaa hma la turin CYCA chu an hrilh a ni.

MZP General Hqrs. hruaitute hian nimin khan Lawngtlai District huamchhung Chakma Autonomous District Council (CADC) Area Borapansury-a Zofate Chawlhbuk pawh tlawhin Chawlhbuk leh a chhehvel an samfai a. MZP chuan kum 2014 khan Borapansury-ah hian Zofate Chawlhbuk hi ab sa a, ram venhimna atan leh CADC chu Mizoram chhung ngei a ni tih lantir nana sak niin, Mizo zin veivakte tan a tangkai thin hle tih an sawi a. A ram hi a thenawm-a ram neitu ten a nek-a a lan avangin teh that nghal a nih thu leh Young Chakma Association (YCA) Borapansury Zone hruaiten a hmunah an enpui. thu an sawi bawk a ni.

Tun tumah hian MZP General Hqrs. hruaitute hi Vice President C. Lalremruata hova kalin Lunglei leh Chawngte-a MZP hruaitu ten an tawiawm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar