SYS Minister in Union Youth Secretary a kawm

New Delhi-a cham mek Sports & Youth Services (SYS) Minister Lalnghinglova Hmar chuan nimin khan Ministry of Youth Affairs and Sports-a Youth Department Secretary Meeta Rajivlochan-i chu New Delhi-ah a kawm.

He inkawmna ah hian SYS Minister Lalnghinglova Hmar chuan Mizoram in Sports lam a hmelhriat that viau rualin Youth Affairs lamah tan lakna tur a la ngah thu sawiin, hemi kawnga tanlakpui turin Secretary chu a sawm a. Mizoram-a lo zina Mizoram dinhmunte a taka hmuhpui turin a sawm bawk.

Youth Affairs hnuaia Mizoram-a Youth Hostel kan neihte chu a building a hlui tawh thu leh sak that a hun tawh thu Minister-in a thlen chu hma a lakpui tur thu Youth Department Secretary Meeta Rajivlochan-i chuan a lo hrilh a. Thalaite tana Ministry of Youth Affairs and Sports-in programme hrang hrang a siamte hmang tangkai turin Mizo thalaite a sawm a, inziahluhna tura siam mi tin ban phak mybharat.gov.in chu hmang tangkaia inziaklut theuh turin a sawm bawk a ni.