RTE Act hman ve an duh thu Governor hnenah thlen

Lawngtlai District Students' Association (LDSA) hruaitute chuan nimin khan Raj Bhavan-ah Mizoram Governor Dr. Hari Babu Kambhampati kawmin Lawngtlai District chhunga Autonomous District Council pahnih- LADC leh CADC-ah te The Right of Children to Free and Compulsory Education (RTE) Act, 2009, hman a nih thuai theih nana hma la turin an ngen a. RTE Act, 2009 chu Mizoram-a ADC pathum zingah Mara Autonomous District Council chauhin an hman thu Larsap hi hrilhin, Lawngtlai District chhunga zirna quality a lo that theih nan leh zirna in hma a sawn a, zirtirtu quality zawk an awm theih nan RTE Act chu hman ngei a tul thu an sawi a Larsap chuan LADC leh CADC chu lehkha a pek tur thu leh a tul anga hma a lo lak sak tur thu a lo hrilh a ni.