ZPM General Hqrs. hruaitu thlanna nei dawn

ZPM General Hqrs. chuan tun thla ni 15 khian an Party hruaitu tur thlanna an nei dawn. Nimin khan Aizawl Republic Veng Community Hall-ah ZPM General Headquarters Executive Meeting chu an President Lalliansawta kaihhruaiin neih a ni a, he Meeting hian an party hruaitu thlan hun tur chungchang ngaihtuahin inthlan hun atan February ni 15, 2024 (Ningani) an ruat a ni. Nimin-a thutkhawm ah hian Chief Minister leh Finance changtu Lalduhoma chuan, tunhnaia sum harsatna chungchanga thudik tawk lo darh chu pawi a tih thu sawiin, Treasury khar a nih loh thu leh sawrkar hmasa atang sum chetvel dan fel lo inkhaidiat chho nghawng avanga sawrkar sum harsatna thlen chhoh dan chungchang a sawifiah a, sum harsatna chingfel tura theihtawp an chhuah mek thu leh zawi zawi a insiamthat chhoh zel theih a beisei thu a sawi.