Kum 2023 chhungin Champhai-ah Heroin man tam

Kum 2023-a Mizoram-a Herion man zawng zawng zinga za zela 53.1 chu Champhai District-a man a nih thu Champhai-a District Level Narco Coordination Centre (NCORD) Committee thutkhawm nimin a neih ah tarlan a ni.

Kum 2023 chhung khan Champhai Police te chuan ND&PS Act tlawhchhanin thubuai 134 ziaklutin mi 153 an man a, an zinga mi 54 te chu ramdang mi an ni a, kum 2023 chhung hian Heroin kg 33.503 man bawkin, hei hi kum 2023 chhunga Mizoram Police-in Heroin an man zawng zawng atanga chhutin za zela 53.1% a ni tih an sawi a. Nikum chhung vek khan Methamphetamine kg. 111.817 an man a, Solid Crystal Meth kg. 4.59, Ganja Kg. 11.35 leh Alprzolam mum 450 an man a, Ruihhlo phurhna lirthei 30 an man bawk a ni. 

Champhai Police-te hian kumin chhung hian ND&PS Act hnuaiah thubuai 8 ziaklutin mi 11 an man tawh a, Heroin kg 2.170 a rit an man leh tawh bawk a ni.