RGSA chungchang zirhona Aizawl-ah neih a ni

Nimin khan Aizawl District DC Conference Hall-ah Rashtriya Gram Swaraj Abhiyan (RGSA) chungchang inhrilhhriatna hun hman a ni.

Rashtriya Gram Swaraj Abhiyan (RGSA) hi Centrally Sponsored Scheme (CSS) niin a tum ber chu mipui aiawha thlantlin khawtlang hruaitute thiamna leh theihna te tipunga thuamchak tur te, resources awm sa tangkai taka hman theih dan ngaihtuah chhuah kawngah te leh rampum huapa Scheme pawimawh tak takte tihhlawhtling thei tur leh anmahni dehchhuah, sum hailuhna an hmuh theihna atana tuai hriam te a ni.

RGSA hi Central sawrkara NITI Aayog rawtna bawhzuiin, Sustainable Development Goals (SDG) tihlawhtling tur chuan tualchhung sawrkar te an pawimawh tih hriain, Prime Minister chuan April 24, 2018 khan a tlangzarh a. Revamped RGSA chu sawrkar laipui chuan ni 13.4.2023 khan duangchhuakin, hei hian 1.4.2022 atanga 31.3.2026 thleng a huam anga. Budget pawh cheng vbc. 5911 niin Central Share chu cheng vbc. 3700 a ni a, State Share ah cheng vbc. 2211 dah a ni.

RGSA kaltlang hian Mizoram-ah Pan-chayat Bhawan (VC House) 150 sak tawh niin, 93 chu thawmthat (repair) an ni tawh a; VC 243 hnenah Desktop Computer semchhuah tawh niin, Common Service Centre (CSC) pawh hmun 15 ah din a ni tawh bawk. State Panchayat Resource Centre (SPRC) chu SIRD&PR Complex, Dur-tlang-ah din ni tawhin, District Panchayat Resource Centre (DPRC) chu District pali (4) ah din a ni tawh a, tunah hian District thar pathum (3)- Saitual, Hnahthial leh Khawzawl-ah te a sak hna thawh mek a ni. RGSA kaltlang hian ei leh bar-a intodelhna kawngah leh tualchhung miten eizawnna ngelnghet an neih theihnan, project pathum kalpui mek a ni bawk a. Heng zingah hian Serchhip District-a Thenzawl khua ah cheng nuai 141.23 senga Handloom Design Training-cum-Production Centre din chu a tel a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar